Allagaq kalaallisut atuaruk - læs brevet på grønlandsk
2022 pillugu Akileraartarnermut Aqutsisoqarfimmut nalunaarnissaq
2022-mi pensionisiaqarnissamut aaqqissuussinerit pillugu Akileraartarnermut Aqutsisoqarfimmut nalunaaruteqarpugut.
Nalunaarummi pineqarput Lærernes Pensionimi pensionisiaqarnissamut aaqqissuussinermut peqataaffigisanni Kalaallit Nunaannilu atorfeqarninnut tunngasumi iluanaarutit. Iluanaarutit ukiut tamaasa Akileraartarnermut Aqutsisoqarfimmut isertitatut nalunaarutigineqartartussaapput. Ajoraluartumik misissunngitsoorsimavarput, 2022-mi Danmarkimi Kalaallit Nunaannilu akileraartarnermut oqartussanut nalunaarutit eqqortumik tiguneqarsimanersut. Tamatuma kinguneraa imaassinnaammat 2022-mut tunngatillugu Danmarkimi imaluunniit Kalaallit Nunaanni akileraarutinut tapiissutinik akiligassaqartutit, suli akileqquneqanngitsunik. Tamanna ajuusaarutigaarput.
Nalunaarut amigaataasoq taamaallaat 2022-mut tunngavoq.
2022-mut tunngatillugu Kalaallit Nunaanni Akileraartarnermut Aqutsisoqarfimmit akileraarutinut tapiissutinik akiligassiineq
Lærernes Pensionip aningaasaatinit iluanaarutit akileraarutissaat pillugu Kalaallit Nunaanni Akileraartarnermut Aqutsisoqarfimmut nalunaaruteqassaaq. Imaappoq illit nammineq iliuuseqartariaqanngitsutit.
2022-mut tunngatillugu Danmarkimi Akileraartarnermut Aqutsisoqarfimmit akileraarutinut tapiissutinik akiligassiineq
Nalunaarusiatta 2022-mi akileraarutissatit sunnerpagit, Akileraartarnermut Aqutsisosaqarfimmit 2022-mut tunngatillugu ukiumoortumik nalunaarusiamik nutaamik nassinneqassaatit, allannguutaasullu rubrik 31-mi, erniatigut isertitanut tunngasumi, ersissapput.
Akileraartarnermut Aqutsisoqarfimmit tusagaqanngikkuit, kingusinaarluni nalunaaruteqarneq illit 2022-mut tunngatillugu ukiumoortumik nalunaarutinnut sunniuteqarsimassanngilaq, taamaappallu iliuuseqartariaqanngilatit.
Tapiissutinik ernialiinerit akilissavagut
Nalunaaruteqarnerput Kalaallit Nunaanni Danmarkimiluunniit akiligassarilikkavit tapiissutinik ernialerneqarnerinik kinguneqarput, tapiissutinik erniat pineqartut uagut akilissavagut. Taama pisoqarpat kaammattorpatsigit attavigeqqulluta oqarasuaat una aqqutigalugu 70 21 61 31.
Inussiarnersumik inuulluaqqusilluta
Lærernes Pension